Qazaqstan Germanııaǵa 993 myń tonna munaı jetkizdi
«QazTransOıl» 2023 jyldyń qorytyndysynda Germanııaǵa 993 myń tonna Qazaqstan munaıyn jetkizdi, dep habarlaıdy Kazinform.
«2023 jyldyń qańtar-jeltoqsan aılarynda qazaqstandyq munaıdy odan ári Germanııaǵa jetkizý úshin «Transneft» JAQ magıstraldyq munaı qubyry júıesi arqyly «Adamova Zastava» munaı jetkizý beketine qaraı tasymaldanǵan kólem 993 myń tonnany qurady. Energetıka mınıstrligi bekitken munaı tasymaldaý kestesine sáıkes, «QazTransOıl» AQ 2024 jyldyń qańtarynda Germanııaǵa odan ári jetkizý úshin 100 myń tonna qazaqstandyq munaıdy tasymaldaýdy josparlap otyr», - delingen «QazMunaıGaz» ulttyq kompanııasy taratqan aqparatta.
Kompanııa málimetinshe, 2024 jyly «QazTransOıl» AQ Germanııaǵa jetkizý úshin «Transneft» JAQ magıstraldy munaı qubyry júıesi arqyly «Adamova Zastava» munaı jetkizý pýnktine 1,2 mıllıon tonnaǵa deıin Qazaqstan munaıyn jóneltýdi josparlap otyr. Bul tranzıt Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy 2002 jylǵy 7 maýsymdaǵy tıisti kelisim aıasynda júzege asyrylady.
