Qazaqstan Germanııaǵa 90 myń tonnaǵa jýyq munaı jóneltti

ASTANA. QazAqparat – Qazaqstan Germanııaǵa 90 myń tonnaǵa jýyq munaı jóneltti. Kelisimderge sáıkes atalǵan kólem ulǵaıady. Bul týraly Energetıka mınıstri Almasadam Sátqalıev málimdedi, dep habarlaıdy QazAqparat tilshisi.

«Bizde Baký-Tbılısı-Djeıhan munaı qubyrymen Qazaqstan munaıyn eksporttaý boıynsha ýaǵdalastyqtar ornaǵan. Baký-Sýpsa baǵyty boıynsha munaı tasymaldaý múmkindikteri aıtylyp jatyr. Sondaı-aq, biz buqaralyq aqparat quraldaryna Qazaqstannyń Germanııaǵa «Drýjba» qubyry arqyly munaı jetkizýdi bastaǵanyn aıtqan bolatynbyz», - dedi Almasadam Sátqalıev Úkimet kýlýarynda.

Aıta keteıik, bul jetkizilimder qazaqstandyq munaıdyń tranzıti týraly buryn jasalǵan sharttarǵa sáıkes júrgizilip jatyr.

«Qazaqstandyq kómirsýtek shıkizatynyń kólemi halyqaralyq sharttar sheńberinde júzege asyrylady. Pılottyq kólem, shamamen 90 myń tonnasy jóneltildi. Kelisimderge sáıkes, bul kólem ulǵaıady», - dedi mınıstr.