Qazaqstan Germanııaǵa 2 mln tonnaǵa deıin munaı jetkizýdi josparlaýda
Qazaqstan Germanııaǵa jylyna 2 mln tonnaǵa deıin munaı jetkizýdi josparlap otyr. Bul týraly BAQ ókilderine arnalǵan baspasóz máslıhatynda Energetıka mınıstri Almasadam Sátqalıev aıtty, dep habarlaıdy Kazinform.
«Shynymen de Germanııa munaı óńdeý zaýyttary operatorlarmen ýaǵdalastyq boıynsha Qazaqstan buǵan deın aktıvterdi nemistiń munaı óńdeý kontserniniń basqarýyna bergen bolatyn. Olarmen kelisimge sáıkes biz Germanııaǵa Qazaqstan munaıynyń synama eksportyn júzege asyrdyq. Munaı sapasy belgilengen parametrge saı keledi. Qazaqstan Prezıdenti Qasym-Jomart Toqaevtyń Germanııaǵa memlekettik sapary barysynda german tarapy qazaqstandyq munaıdyń jetkizý kólemin ulǵaıtýǵa qyzyǵýshylyq tanytty. Qazirgi ýaqytta kelissózder, Qazaqstan munaıyn Reseı aýmaǵy arqyly kedergisiz tasymaldaý bóliginde reseılik tarappen kelisý júrip jatyr», - dedi mınıstr.
Almasadam Sátqalıevtyń aıtýynsha, ázirshe Germanııaǵa jylyna 2 mln tonnaǵa deıin munaı jetkizý máselesi sóz bolyp otyr. Al onyń naqty kólemi kelissózder aıaqtalǵan soń anyqtalady.
