Qazaqstan Germanııadan jeńilip qaldy - Eýro-2012 chempıonatynyń irikteý týrnıri
ASTANA. Qazannyń 13-i. QazAqparat /Murat Jakeev/ - "Eýro-2012" biliktilik raýndynyń tórtinshi týrdaǵy oıynynda Qazaqstan quramasy Astanada, óz alańynda Germanııa komandasynan jeńilip qaldy.
0:3 esebimen aıaqtalǵan oıyn qazaqstandyq jankúıerlerdiń jigerin taǵy da qum etti.
Goldardyń avtorlary - Mıroslav Kloze, Marıo Gomes, Lýkas Podolskı. Nátıjesinde, tórt oıynda tórt jeńiske jetken Germanııa quramasy óz irikteý tobynda kósh basynda. Al birde-bir jeńiske nemese teń oıynǵa qol jetkize almaǵan bizdiń fýtbolshylar týrnır kestesiniń sońynda tur.
Favorıtter qatarynda bolǵan Túrkııa quramasy Ázirbaıjan komandasyna ese jiberip aldy. Túrikterdiń bas jattyqtyrýshysy Gýs Hıddınk pen onyń jasaǵy ázirbaıjandyqtardan 0:1 esebimen jeńilip qaldy.
Esterińizge sala keteıik, Qazaqstan quramasy «A» tobynda óner kórsetýde, onda Germanııa, Belgııa, Túrkııa, Avstrııa, Ázirbaıjan komandalary bar.
Qazaqstan-germanııa matchy keshe, qazannyń 12-sinde elordalyq «Astana Arena» stadıonynda ótti. Qazaqstan buǵan deıingi alǵashqy irikteý oıyndarynda, atap aıtqanda, qyrkúıektiń 3-i kúni - Túrkııa komandasynan 0:3 esebimen, jáne 7-sinde - Avstrııa komandasynan 0:2 esebimen, al qyrkúıektiń 9-ynda belgııalyqtardan 0:2 esebimen jeńilip qalǵan edi.
