Qazaqstan Germanııadaǵy eń iri týrızm kórmesinde tanystyryldy
Kórme COVID-19 pandemııasynan keıin alǵash ret offlaın formatta ótkizilip jatyr.
Sharaǵa 14 myńnan astam adam jáne 80 eldiń ókilderi qatysty. Olardyń arasynda halyqaralyq is-sharalardy uıymdastyrýshylar, salalyq halyqaralyq qaýymdastyqtar, qala jáne aýyl týrızmin damytý uıymdary bar.
Kórme barysynda qazaqstandyq delegatsııanyń basshysy, «Kazakh Tourism» Ulttyq kompanııasy» AQ basqarma tóraǵasy Talǵat Amanbaev 10 eldegi seriktestermen 20-dan astam b2b (bıznes úshin bıznes) kezdesýlerin ótkizdi.
Ulttyq kompanııanyń málimetinshe, bıyl pandemııaǵa baılanysty shekteý sharalary alynyp, vızasyz rejım men tikeleı reıster qalpyna keltirilgen soń Qazaqstan halyqaralyq týrıstik alańdarda óziniń qatysýyn kúsheıtti. Jyl sońyna deıin Japonııa, Ulybrıtanııa jáne Polshada ótetin taǵy 3 halyqaralyq kórmege, sondaı-aq maqsatty elderde birqatar roýd-shoýlarǵa qatysý josparlanyp otyr.
IMEX Frankfurt – bul oqıǵa ındýstrııasy men ıntensıv-týrızm (MICE tourism) úshin jyl saıynǵy eń iri halyqaralyq mamandyrylǵan kórme. Oǵan 172 elden 3439 eksponent, uıymdastyrýshylar 83 elden shaqyrǵan 3817 satyp alýshy qatysýda.
