Qazaqstan-Germanııa jańa ınnovatsııalyq ortalyǵy qurylady
Bul týraly «Tehnologııalyq damý jónindegi ulttyq agenttik» AQ basqarma tóraǵasy Marat Omarov Astanada ótip jatqan Qazaqstan-Germanııa Іskerlik keńesiniń 10-shy otyrysynda málimdedi. Onyń aıtýynsha, Qazaqstan bul jobaǵa demeýshilik bildiredi, al germanııalyq áriptester ózderiniń mol tájirıbesimen bólisetin bolady.
«Biz búgin Eýropadaǵy eń kóne tehnıkalyq ýnıversıtetterdiń biri - Mıýnhen tehnıkalyq ýnıversıtetimen kelisimge qol qoıamyz. Bul Qazaqstan men Germanııa arasyndaǵy birlesken ınnovatsııalyq ortalyq qurý týraly kelisim bolmaq. Munda biz demeýshi tarap retinde qatysyp otyrmyz. Biz úshin Prezıdent Joldaýy aıasyndaǵy «Indýstrııa 4.0» boıynsha adamı kapıtal basty faktor bolyp sanalady. Bul kelisim bizge «Indýstrııa 4.0» protsesin júzege asyrý úshin bilikti kadrlar daıyndaýǵa múmkindik beredi, bul atalǵan baǵyttaǵy alǵashqy qadam», - dedi ol.
Onyń aıtýynsha, jańa ortalyqta joǵary oqý oryndarynyń, atap aıtqanda Nazarbaev Ýnıversıteti men Qazaq-Brıtan tehnıkalyq ýnıversıtetiniń qyzmetkerleri oqıdy. Sonymen birge, Omarov jobanyń alǵashqy 5 jylynyń bıýdjet kólemi shamamen 15 mıllıon dollardy quraıtynyn habarlady.
«Bul alańda qosarly oqytý tásili qoldanylady, ıaǵnı oqý jáne tájirıbe jınaqtaý múmkindikteri beriledi. Ázirge birlesken ınnovatsııalyq ortalyq qurýdy ǵana talqylap jatyrmyz. Bizden - qarjylandyrý, nemisterden - noý-haý, bilim, birinshi bilim berý modýlderi, trenıngter, tájirıbelik semınarlar jáne t.b. Atalǵan joba aıasynda kelesi jyly 250 adamdy qamtý josparda bar», - dep atap ótti Omarov.
Sondaı-aq, TDUA basshysy jańa ortalyqta bilim beretin mamandyqtardyń áli naqtylanbaǵanyn jetkizdi. Ol bilim berýdiń «Indýstrııa4.0» revolıýtsııasyna negizdeletinin jáne bul jobany eldi ındýstrııalandyrý jolyndaǵy alǵashqy qadam dep atady.
«Ázirge oqytý taqyryptarynyń basym bóligi tehnıkalyq ekenin ǵana aıta alamyn. Biz nemisterden «Indýstrııa 4.0» boıynsha naqty usynystar kútýdemiz. Germanııalyq áriptester «Indýstrııa 4.0» boıynsha Qazaqstanǵa naqty ne qajet ekenin, qandaı elementterdiń jetispeıtini týraly sholý jumystaryn aıaqtap qaldy.
Atalǵan report aıasynda Qazaqstanǵa qajetti naqty mamandyqtardy izdeımiz.Ázirge mamandyqtar anyqtalǵan joq, sebebi biz ózimizdi munymen shektep qoıǵymyz kelmeıdi. Tolyq tizimdi ázirlep, muqııat zertteý júrgizgimiz keledi», - dedi Omarov.
Aıta keteıik, Astanada Qazaqstan-Germanııa iskerlik keńesiniń H otyrysy ótip jatyr. Onyń aıasynda eki el arasynda 22 kommertsııalyq kelisimge qol qoıylatyny josparlanýda.
