Qazaqstan-Germanııa Prezıdentteri Global Gateway strategııasyna Qazaqstan jobalaryn engizý máselesin talqylady

ASTANA. QazAqparat – Qazaqstan-Germanııa Prezıdentteri Global Gateway strategııasyna Qazaqstan jobalaryn engizý máselesin talqylady. Bul týraly Aqordada Germanııa Prezıdenti Frank-Valter Shtaınmaıermen kelissózderden keıingi BAQ ókilderine birlesken málimdeme barysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Biz kólik-logıstıka ınfraqurylymyn damytý qajettigine basa nazar aýdardyq,. Bul salanyń keleshegi zor. Qazir Eýropa odaǵynda Global Gateway strategııasy júzege asyrylyp jatyr. Sonyń aıasynda qolǵa alynǵan bastamalarǵa Qazaqstan jobalaryn engizý máselesin talqyladyq. Biz jasyl energetıka, asa mańyzdy shıkizat, arnaıy ekoonomıkalyq, aımaq, ónerkásip, aýyl sharýashylyǵy, qarjy jáne basqa saladaǵy baılanystardy nyǵaıtý joldaryn qarastyrdyq. Sebebi bul baǵyttar boıynsha yntymaqtastyqty damytýǵa mol múmkindik bar. Sondaı-aq bıznestiń áleýmettik jaýapkershiligin kúsheıtý týraly pikir almastyq», - dedi Qasym-Jomart Toqaev.