Qazaqstan-Germanııa arasyndaǵy saýda-sattyq kólemi 2,8 mlrd dollarǵa jetti
Memleket basshysy geosaıası jáne ekonomıkalyq qıyndyqtarǵa qaramastan, byltyr ekijaqty saýda-sattyq kólemi 25 paıyzǵa ósip, 2,8 mıllıard dollarǵa jetkenin aıtty.
«Búginde Germanııa kompanııalary bizdiń ekonomıkamyzǵa shamamen 6 mıllıard dollar ınvestıtsııa quıdy. Bul ınvestıtsııanyń shamamen 90 paıyzy shıkizattyq emes sektorǵa tıesili ekenin aıta ketken jón.
Elimizde nemis kapıtalynyń úlesi bar 1000-nan astam kompanııa belsendi jumys istep jatyr. Olardyń kópshiligi – álemge áıgili brendter, al basqalary – orta deńgeıdegi otbasylyq bıznes. Nemis kompanııalarynyń barlyǵyn Qazaqstanǵa shaqyramyz. Batyldylyqqa, naqtylyqqa jáne jaýapkershilikke negizdelgen nemis bıznesiniń tásilin baǵalaımyz. Bul qasıetter bıznestegi tabys úshin óte mańyzdy», – dedi Qasym-Jomart Toqaev.
Ol Qazaqstan Germanııanyń, tipti búkil Eýropa elderiniń ındýstrııasyna qajet tabıǵı resýrstardy ıgerýde senimdi seriktes bolýǵa daıyn ekenin atap ótti.
»Búgin tańerteń Shtaınmaıer myrzamen kezdesý barysynda tabıǵı resýrstardy birlesip barlaý jáne ıgerý isindegi yntymaqtastyǵymyzdy nyǵaıtýǵa kelistik. Bul Shıkizat, ónerkásip jáne tehnologııa salalaryndaǵy seriktestik týraly úkimetaralyq kelisimge tyń serpin beredi», - dedi Prezıdent.
