Qazaqstan geologııalyq barlaýynyń negizin qalaýshylardyń biri Oral Aqsholaqov qaıtys boldy

Aqparatty QR Energetıka mınıstrliginiń baspasóz qyzmeti rastady. Oral Aqsholaqov – qazirgi Energetıka mınıstri Bolat Aqsholaqovtyń ákesi.

Aqsholaqov Oral Aqsholaquly 1936 jyly Gýrevte (qazirgi Atyraý) dúnıege kelgen. Ol biregeı ǵalym, qazaqstandyq geologııalyq barlaýdyń negizin qalaýshy, Qazaqstan Respýblıkasy mıneraldy resýrstar akademııasynyń tolyq múshesi. 1958 jyly I. M. Gýbkın atyndaǵy Máskeý munaı ınstıtýtyn geolog mamandyǵy boıynsha bitirgen.

Eńbek jolyn Gýrev iri aýmaqtyq munaı barlaý ekspedıtsııasynyń Batys Qazaqstan geologııalyq basqarmasynda kollektor, geolog, aǵa geolog, tehnıkalyq basshy jáne bóliminiń basshysy bolyp bastaǵan.

Ár jyldary Qazaq geologııalyq barlaý jáne munaı ǵylymı-zertteý ınstıtýtynyń zerthana meńgerýshisi, dırektordyń ǵylymı jumys jónindegi orynbasary, Balyqshy munaı barlaý ekspedıtsmıasynnyń basshysy, Batys Qazaqstan ekspedıtsııasynyń basshysy, Almaty geofızıkalyq ekspedıtsııasynyń bas geology, partııa basshysy, «Qazgeofızıka» ÓGB geologııalyq bóliminiń bastyǵy, QR Geologııa jáne jer qoınaýyn qorǵaý mınıstrliginiń Munaı jáne gaz bas basqarmasynyń basshysy (1992-1994) qyzmetterin atqarǵan.

Sonymen birge, Oral Aqsholaqov «Kazgosnedra» mıneraldy resýrstar bas basqarmasy basshysynyń orynbasary, «Stepnoı leopard» BK bas dırektory, «Taý-ken-ekonomıkalyq konsaltıng» JShS bas mamany, «Tsentrokonsaltıng» JShS dırektory qyzmetterin atqardy, N. A. Marabaev atyndaǵy «Munaıshy» qoǵamdyq qorynyń quryltaıshysy, qamqorshylyq keńesiniń múshesi boldy.

O. Aqsholaqov – 170-ten astam jarııalanǵan jáne qoljazba ǵylymı eńbekterdiń, Qazaqstannyń munaı entsıklopedııasynyń, eki basylymnyń avtory. Birqatar munaı jáne gaz ken oryndaryn – Prorva, Martyshı, Qamyshıtovyı, Jańajol, Jetibaı, Ózen, Tasbolat, Keńqııaq, Óriktaý, Qarashyǵanaq jáne t. b. ashqan.

Foto: novoetv.kz