Qazaqstan geografııalyq basymdyǵyn tıimdi qoldanatyn bolady - Qasymbek
ASTANA. QazAqparat - Muhıtqa tikeleı shyǵa almaı otyrsa da, Qazaqstan eki jaǵyndaǵy eki alyp naryqty baılanystyrý arqyly paıda tabýdy kózdeıdi. Bul týraly Astanada ótip jatqan H «TransEýrazııa-2017» kólik-tranzıttik áleýet jónindegi halyqaralyq konferentsııasynda QR Investıtsııalar jáne damý mınıstri Jeńis Qasymbek málim etti, dep habarlaıdy «QazAqparat» HAA tilshisi.
«Qazaqstan muhıtqa tikeleı shyǵa almaǵandyqtan, kólik pen logıstıka - biz úshin mańyzdy faktor. Júk tasymalyn júzege asyrýshy elmiz. Ár túrli taýarlardyń aýqymdy mólsherin eksporttaımyz. Bizdiń naryq keıbir alyp naryqtardan 2,5 myń, 3-4 myń shaqyrym alysta jatyr. Sondyqtan, kólik pen logıstıkanyń damýy bizde úlken mańyzǵa ıe», - deıdi Jeńis Qasymbek.
Onyń aıtýynsha, Qazaqstan muhıtqa shyǵa almasa da, geografııalyq turǵydan óziniń basymdyqtaryn tıimdi túrde qoldanatyn bolady.
«Muhıttan shalǵaı jatqanymyzben álemdegi eki iri naryqtyń ortasynda otyrǵanymyzdy bilemiz. Olar Eýropalyq Odaq pen Qytaı naryǵy. Jumys retin beıimdeıtin «teńizderimiz ben muhıttarymyz» da dál osy eki naryq. Búgingi kúni osy baǵytta júk tasymalynyń aǵynyn arttyrýdy kózdep otyrmyz», - deıdi ol.
Mınıstr sonymen birge, «Qazaqstan Temir joly» kompanııasynyń túsim boıysha tranzıttik úlesi 10-12 paıyzdy quraıtynyn, taza paıda úshin bul Ulttyq kompanııanyń tórtten bir bóligi dep aıtýǵa bolatynyn jetkizdi. "Bul bizdińshe óte úlken áleýet. 2020 jylǵa qaraı kóliktik ınfraqqurylymdy damytýǵa 8-9 mlrd AQSh dollaryn jumsaýdy kózdep otyrmyz. Bul jumys óz tıimdiligin beretinine senimdimiz", - deıdi Jeńis Qasymbek.
Eske sala ketsek, búgin Astanada H «TransEýrazııa-2017» kólik-tranzıttik áleýet jónindegi halyqaralyq konferentsııasy bastaldy. Oǵan Latvııa, Lıtva, Túrkııa, Ázerbaıjan, Reseı, Belarýs elderinen 300-ge jýyq delegat qatysyp jatyr.
