Qazaqstan genderlik teńdiktiń álemdik reıtınginde 8 ustanymǵa kóterildi

Bul týraly búgin elordada «QR-daǵy áleýmettik-ekonomıkalyq jańǵyrtý jaǵdaıyndaǵy áıelder kóshbasshylyǵy» taqyrybynda ótken halyqaralyq konferentsııa barysynda QR Prezıdenti janyndaǵy Áıelderi isteri jáne otbasylyq-demografııalyq saıasat jónindegi komıssııa hatshylyǵynyń meńgerýshisi Rashıda Náýbetova málim etti.

2010 jyly Qazaqstan genderlik teńdik reıtıngi boıynsha 41 orynǵa ıe bolǵandyǵyn atap ótken ol: «Endi ol kórsetkish odan da jaqsardy. Aǵymdaǵy jylǵy sáýirdiń basynda  «Social Watch» halyqaralyq uıymy 2012 jylǵa arnalǵan genderlik teńdik ındesin jarııa etti. Onda Qazaqstan TMD boıynsha kórshiles elderdi artqa tastap, 33 oryndy ıelendi. ıAǵnı, ótken jylǵy kórsetkishpen salystyrǵanda bizdiń reıtıng 8 ustanymǵa jaqsardy», - dedi ol.

Onyń paıymynsha, mundaı nátıjege QR Prezıdenti N.Nazarbaevtyń salıqaly saıasatynyń arqasynda qol jetkize aldyq.

Konferentsııa jumysyna QR Prezıdenti janyndaǵy Áıelderi isteri jáne otbasylyq-demografııalyq saıasat jónindegi komıssııanyń músheleri, QR Parlamentiniń depýtattary, ortalyq jáne jergilikti memlekettik organdardyń, úkimettik emes uıymdardyń ókilderi qatysty. Sharanyń maqsaty - Qazaqstan Úkimeti men halyqaralyq áriptesterdiń Qazaqstanda áıelder kóshbasshylyǵyn ilgeriletý salasynda júrgizgen jumystarynyń qorytynysyn shyǵarý jáne bolashaqta atqarylatyn jumystardy talqylaý