Qazaqstan gazdyń jańa ken oryndaryn ıgerýdi josparlap otyr

ASTANA. QazAqparat - Qazaqstanda ishki naryqta gaz tapshylyǵyn aldyn alý boıynsha, sondaı-aq geologııalyq jumystardy jandandyrý men jańa gaz ken oryndaryn paıdalanýdy iske qosý turǵysyndaǵy jumystar júrgiziledi. Bul týraly búgin Úkimet otyrysynda QR Munaı jáne gaz mınıstri Uzaqbaı Qarabalın málim etti.

Elimizde gaz salasyn damytý tujyrymdamasynda aýdandarǵa, eldi mekenderge jáne basqa da nysandarǵa gaz tartýdyń basymdyǵyn anyqtaý boıynsha ólshemder aıqyndalady. Osyǵan sáıkes, gaz balansy aýysýy múmkin. Sonymen qatar U. Qarabalın gazdy daıarlaý boıynsha biryńǵaı ınfraqurylymdy engizý, ishki naryqqa gazdy jetkizý boıynsha kóliktik ınfraqurylymdy ártaraptandyrý jáne basqa da múmkindikter qarastyrylatynyn atap ótti.