Qazaqstan Gazadaǵy qaqtyǵysty retteýge arnalǵan Tramptyń bitimgerlik josparyn qoldady

ASTANA. KAZINFORM – Bul týraly Qazaqstan Respýblıkasy Prezıdentiniń kómekshisi — Prezıdenttiń baspasóz hatshysy Rýslan Jeldibaı áleýmettik jelidegi paraqshasynda jazdy. 

— Qazaqstan AQSh Prezıdenti Donald Tramptyń Gaza sektoryndaǵy qaqtyǵysty toqtatýǵa arnalǵan jan-jaqty bitimgerlik josparyn qoldaıdy.

Memleket basshysy Qasym-Jomart Toqaev elimiz bul bastamany Taıaý Shyǵystaǵy ahýaldy retteýge, memleketter arasyndaǵy senimdi nyǵaıtyp, atalǵan aımaqta beıbitshilik ornatýǵa biregeı múmkindik ári mańyzdy qadam retinde qarastyratynyn málimdedi, — dep jazdy Rýslan Jeldibaı. 

Aıta ketelik Aq úı Tramptyń Gazadaǵy jaǵdaıdy retteýge arnalǵan josparyn jarııa etken edi.