Qazaqstan Gaza sektoryndaǵy jaǵdaıdy turaqtandyrýǵa baǵyttalǵan kúsh-jigerdi qoldady
ASTANA. KAZINFORM — Qazaqstan Taıaý Shyǵystaǵy shıelenisti báseńdetip, Gaza sektoryndaǵy gýmanıtarlyq jaǵdaıdy jaqsartýǵa baǵyttalǵan halyqaralyq bastamalardy qoldaıdy.
Qazaqstannyń Syrtqy ister mınıstri Muhtar Tileýberdi BUU Bas Assambleıasynyń 81-sessııasy aıasynda ótken Islam yntymaqtastyǵy uıymyna (IYU) múshe memleketterdiń jyl saıynǵy Úılestirý kezdesýine qatysty.
Jıynda halyqaralyq jáne óńirlik kún tártibindegi ózekti máseleler talqylandy. Kezdesýde Taıaý Shyǵystaǵy ahýalǵa jáne onyń gýmanıtarlyq saldaryna erekshe nazar aýdaryldy.
Muhtar Tileýberdi Qazaqstannyń halyqaralyq daýlardy beıbit jolmen sheshý qaǵıdatyn ustanatynyn atap ótti. Sondaı-aq mınıstr Taıaý Shyǵystaǵy shıelenisti tez arada báseńdetýge, turaqty beıbitshilikti qamtamasyz etýge jáne Gaza sektoryndaǵy gýmanıtarlyq jaǵdaıdy qalypqa keltirýge baǵyttalǵan IYU-ǵa múshe birqatar elderdiń deldaldyq kúsh-jigerin qoldady.
Budan bólek, Qazaqstannyń ıslam álemindegi tehnologııalyq jáne ǵylymı turǵydan damyǵan memleketter arasyndaǵy yntymaqtastyqty keńeıtýge baǵyttalǵan «IYU-15» tobyn qurý jónindegi bastamasynyń mańyzy aıtyldy.
Sondaı-aq shtab-páteri Astanada ornalasqan Azyq-túlik qaýipsizdigi jónindegi Islam uıymyn qurý bastamasynyń ózektiligi atap ótildi.
Eske salaıyq, buǵan deıin Beıbitshilik keńesi Gazany qalpyna keltirýge $2,45 mıllıardtyń josparyn usynǵanyn habarlaǵan edik.
