«Qazaqstan ǵarysh sapary» UK» AQ-nyń burynǵy basshysy Ǵ.Myrzaqulov 12 jylǵa sottaldy
ASTANA. QazAqparat - Astana qalalyq qylmystyq ister jónindegi mamandandyrylǵan aýdanaralyq soty «Qazaqstan ǵarysh sapary» UK» AQ-nyń burynǵy basshysy Ǵabdýllatıf Myrzaqulovty qatań rejimdegi túzeý kolonııasyna 12 jylǵa bas bostandyǵynan aıyrdy. Bul týraly sottyń baspasóz qyzmetinen habarlady.
Astana qalalyq qylmystyq ister jónindegi mamandandyrylǵan aýdanaralyq soty «Qazaqstan ǵarysh sapary» UK» AQ-nyń burynǵy basshysyna qatysty QR QK 311 baby 5-tarmaǵynda, 193-baby 3-tarmaǵynyń «v» tarmaqshasynda qarastyrylǵan qylmystardy jasady dep tanydy jáne 7 jyl merzimge memlekettik qyzmetterdi atqarýǵa ókiletti laýazymdardy atqarý quqynan aıyryp, múlkin tárkileý arqyly 12 jylǵa qatań rejimdegi túzeý mekemesinde jazasyn óteý úkimin kesti.
Osy is boıynsha taǵy bir aıyptalýshy sot úkimimen Erbol Asylbekov QR QK 313-baby 1-tarmaǵynda qarastyrylǵan qylmystardy jasaýǵa kináli dep tanylyp, 1 jylǵa bas bostandyǵynan aıyryldy.
Úkim áli zańdy kúshine engen joq, protseske qatysýshylardyń shyǵarylǵan úkimge kelispegen jaǵdaıda apellıatsııalyq tártippen shaǵym jasaýǵa quqylary bar.
