«Qazaqstan Ǵarysh Sapary» UK» AQ-na jańa basshy taǵaıyndaldy
ASTANA. QazAqparat - «Qazaqstan Ǵarysh Sapary» UK» AQ prezıdenti bolyp Marat Nurǵojın taǵaıyndaldy. Bul týraly QR Investıtsııalar jáne damý mınıstrligi Kadr jumysy departamentiniń dırektory Marat Iǵalı Feısbýktegi jeke paraqshasynda habarlady.
Marat Nurǵojın 59 jasta, I.E.Baýman atyndaǵy Máskeý joǵary tehnıkalyq ýchılışesin bitirgen. Tehnıka ǵylymdarynyń doktory, professor, Qazaqstan Respýblıkasy Ulttyq ınjenerlik akademııasynyń akademıgi.
2008 jyldan bastap, «Qazaqstan Ǵarysh Sapary» UK» AQ prezıdentiniń orynbasary, 2013 jyldyń tamyz aıynan beri «QǴS» UK» AQ prezıdenti mindetin atqarýshy bolyp qyzmet etken.
