«Qazaqstan Ǵarysh Sapary» UK» AQ-da jańa taǵaıyndaýlar
Kompanııa prezıdentiniń mindetin atqarýshy Marat Nurǵojınniń buıryǵymen jańa taǵaıyndaýlar boldy.
Jalpy máseleler boıynsha vıtse-prezıdent qyzmetine buǵan deıin quqyqtyq qatynastar men halyqaralyq yntymaqtastyq departamentin basqarǵan Erbolsyn Nurseıitov keldi.
«Qazaqstan Ǵarysh Sapary» UK» AQ-nyń qarjylyq dırektory qyzmetine qaıta qurýǵa deıin ekonomıka jáne qarjy boıynsha vıtse-prezıdent bolyp jumys istegen Erbol Ospanov taǵaıyndaldy.
Jańa qurylǵan perspektıvaly jobalar ortalyǵynyń dırektory bolyp bǵan deıin kompanııanyń jobalyq keńsesin basqarǵan Aıbergen Rýslanuly taǵaıyndaldy.
2015 jyldyń basynda Ulttyq ǵarysh ortalyǵynyń qurylys jáne paıdalanýǵa berý boıynsha vıtse-prezıdenti qyzmetine kompanııaǵa «Báıterek» BK-ynan kelgen Mamadııar Ahmedov taǵaıyndaldy. «Qazaqstan Ǵarysh Sapary» UK» AQ-nyń qurylys boıynsha burynǵy vıtse-prezıdenti Ráshıd Ábdirazaqov «Ǵalam» BK-ǵa jumysqa aýysty.
Baǵlan Qazıev kompanııanyń ǵarysh júıelerin qurý jáne paıdalaný boıynsha vıtse-prezıdenti qyzmetinde qaldy.
«Qazaqstan Ǵarysh Sapary» UK» AQ basshylyǵynyń aıtýynsha, jańa uıymdyq-shtattyq qurylymnyń qajettiligi kompanııanyń jobalyq basqarýdan óndiristik basqarýǵa ótýine baılanysty boldy.
«Jańa qurylym men mindetterdi durys bólý aldymyzda turǵan mindetterdi tabysty oryndaýǵa múmkindik beretinine úmittenemin», - dedi M.Nurǵojın.
