«Qazaqstan Ǵarysh Sapary» men Memlekettik basqarý akademııasy yntymaqtastyq týraly memorandýmǵa qol qoıdy
Qujatqa «Qazaqstan Ǵarysh Sapary» UK» AQ prezıdentiniń m.a. Marat Nurǵojın men QR Prezıdenti janyndaǵy Memlekettik basqarý akademııasynyń rektory Bolatbek Ábdirásilov qol qoıdy.
Osy memorandýmnyń aıasynda taraptar kelisilgen ǵylymı-zertteý jobalaryn oryndaýdy, oqýlyqtar, oqý quraldaryn jáne aımaqtyq jýrnaldarda ǵarysh qyzmetiniń damýy máselelerine arnalǵan jarııalanymdardy shyǵarýdy, daryndy ǵalymdarǵa qoldaý kórsetý boıynsha baǵdarlamalar men jobalardy iske asyrýdy, ǵarysh tehnologııalaryn ekonomıkanyń túrli salalarynda qoldaný boıynsha oqytý semınarlaryn birlesip ótkizýdi josparlap otyr.
Bolatbek Ábdirásilovtiń pikirinshe, professorlyq-oqytýshylyq quramynyń kásibılendirýdiń joǵary dárejesine ıe bolyp, álemniń jetekshi jýrnaldarynda jumystary jıi jarııalaatyn Akademııa bul mindetterdiń oryndalýyna kómektese alady.
«Membasqarý akademııasymen yntymaqtastyq týraly kelisim - bul tek tájirıbe almasý ǵana emes, bul sondaı-aq jas ǵalymdar úshin ınnovatsııalyq júıeni, dálirek aıtqanda ǵarysh tehnologııalary salasy men olardyń Qazaqstan Respýblıkasy jáne shetel ekonomıkasynyń barlyq salalarynda keńinen qoldanýyn tájirıbe júzinde meńgerýdiń úlken múmkindigi bolyp tabylady», - dep atap ótti Marat Nurǵojın.
