Qazaqstan ǵaryshtyq tájirıbelerdi ǵaryshkersiz de júzege asyra alady
ASTANA. KAZINFORM – Qazaqstannyń ǵaryshtaǵy ǵylymı baǵdarlamalaryn iske asyrýǵa halyqaralyq ekıpaj músheleri tartylýy múmkin. Bul týraly Aeroǵarysh ónerkásibi komıteti Kazinform agenttiginiń saýalyna bergen jaýabynda málimdedi.
Komıtettiń málimetinshe, ǵylymı baǵdarlama jan-jaqty pysyqtalyp, suranysqa ıe bolǵan jaǵdaıda, ony ǵarysh kemesiniń bortynda tek qazaqstandyq ǵaryshkerler ǵana emes, halyqaralyq ekıpaj músheleri de júzege asyra alady. Mundaı zertteýler seriktes eldermen yntymaqtastyq aıasynda júrgiziledi.
Sonymen qatar komıtet otandyq mamandardy daıarlaý negizgi basymdyq bolyp qala beretinin atap ótti.
– Basymdyq otandyq mamandardy daıarlaýǵa beriledi. Bul ulttyq quzyretti damytý, kadrlyq áleýetti nyǵaıtý jáne eldiń halyqaralyq bedelin arttyrý úshin mańyzdy, - dep málimdedi komıtet.
Aıta keteıik, buǵan deıin Qazaqstannyń jańa ǵarysh baǵdarlamasy halyqaralyq tájirıbeni eskere otyryp ázirlenip jatqany habarlanǵan bolatyn. Qazirgi ýaqytta ǵaryshtaǵy ǵylymı zertteýler men tájirıbelerdiń altynshy baǵdarlamasynyń jobasy pysyqtalyp jatyr.
