Qazaqstan ǵalymdarynyń ár besinshi jarııalanymy álemniń ǵylymı jýrnaldaryna enedi

NUR-SULTAN. QazAqparat - Qazirgi ýaqytta ǵylymı zertteýlermen jáne ázirlemelermen 22,4 myń ǵalym aınalysady. Bul týraly «Qazaqstan ǵylymyn damytýdyń ózekti máseleleri» sektsııasynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Qazaqstan jarııalanymdyq belsendiliktiń ósýi boıynsha kósh bastap tur. Scopus derekter bazasynda qazaqstandyq ǵalymdardyń jarııalanymdary 2011 jylmen salystyrǵanda 34,5 ese, Web of Science derekter bazasynda 59 ese ósti», - deıdi Ashat Aımaǵambetov.

Ol sońǵy bes jyl ishinde qazaqstandyq ǵalymdardyń árbir besinshi jarııalanymy álemniń ǵylymı jýrnaldaryna engenin aıtty.

«2019 jyly 7 qazaqstandyq ǵalym óziniń pándik salasyndaǵy álemdegi eń dáıeksóz jumystarynyń 1%-yna endi», - deıdi ol.

Bilim men ǵylymdy damytýdyń jańa memlekettik baǵdarlamasy ǵalymdardyń shyǵarmashylyq áleýetin iske asyrý úshin qolaıly ortany nyǵaıtýǵa, myqty ǵylymı mektepterdi saqtaýǵa jáne qazaqstandyq ǵalymdardyń jańa tobyn qalyptastyrýǵa baǵyttalǵan sharalar keshenin qamtıdy.