Qazaqstan ǵalymdary «Nursultan Ábishuly Nazarbaev» atty bes tomdyq bıobıblıografııalyq kórsetkishti basyp shyǵardy

Qazaq, orys jáne aǵylshyn tilderinde shyǵarylǵan kórsetkishtiń tanystyrylymyn QR UǴA akademıgi, Bilim jáne ǵylym mınıstri Baqytjan Jumaǵulov ótkizdi. Shara 1 jeltoqsanda Almatyda Memleket basshysynyń qatysýymen ótken Qazaqstan ǵalymdarynyń forýmy barysynda boldy.

Bıblıografııayq kórsetkishte Nursultan Nazarbaevtyń ómiri men qyzmetin sıpattaıtyn materıaldar: negizgi datalar, ómiri men qyzmetiniń qysqasha ocherki, onyń eńbekteri men ol jóninde jazylǵan ádebıetter jarııalanymdary, suhbattary, áńgimeleri, baspasóz máslıhattary týraly málimetter qamtylǵan.

Kórsetkishti qurastyrýda QR Ulttyq kitap palatasynyń basylymdary, QR Ulttyq kitaphanasynyń qory, sondaı-aq Ortalyq ǵylymı kitaphananyń materıaldary paıdalanylǵan. «Nursultan Ábishuly Nazarbaev» bıblıografııalyq kórsetkishi B.T.Jumaǵulovtyń, B.A.Qasymbekovtiń redaktsııasymen ázirlendi, qurastyrýshylar K.K.Ábýǵalıeva, L.D.Ábenova.

Forýmda sondaı-aq «Egıpettegi mamlıýk sáýletiniń tarıhy» kitaby tanystyryldy, onyń alǵysózin N.Nazarbaev jazǵan. «Egıpettegi mamlıýk sáýletiniń tarıhy» kitaptary serııasy jobasyn jasaý ıdeıasynyń avtory jáne jetekshisi - QR UǴA akademıgi B.T.Jumaǵulov. Kitap B.A.Qasymbekovtyń, K.A.Álıevtiń redaktsııasyman shyǵarylǵan. Avtorlary: B.Batyrshauly, B.E.Kómekov, S.Batyrshauly.

Basylym HІІІ- XV ǵasyrlardaǵy Egıpettegi Mamlıýk memleketi men Deshti-Qypshaqtaǵy Altyn Orda arasyndaǵy áskerı-saıası jáne dıplomatııalyq qatynastardyń ornaýy jáne damýy dáýirinde paıda bolǵan HІ-HV ǵasyrlardaǵy Eýrazııanyń Uly dalasy men Shyǵystyń arab-musylman álemi arasyndaǵy ózara baılanystyń tarıhı-mádenı mańyzy jónindegi biregeı zertteýlerge arnalǵan. Ondaǵy basty zertteý nysany mamlıýk kezeńindegi sáýlet óneri boldy. Osy maqsatta mamlıýk kezeńiniń 200-den astam sáýlet eskertkishteri zertteldi. Basylymda Kaırde saqtalǵan tańdaýly jıyrmadan astam mamlıýk sáýleti eskertkishteriniń 300-den asa fotosýretteri paıdalanylǵan.