Qazaqstan ǵalymdary hırýrgııada qoldanylatyn bakterııaǵa qarsy «aqyldy» jabyn jasap shyǵardy
ASTANA. KAZINFORM – Ál-Farabı atyndaǵy Qazaq ulttyq ýnıversıtetindegi hımııa jáne hımııalyq tehnologııa fakýltetiniń ǵalymdary ota kezinde paıdalanylatyn hırýrgııalyq jipti jetildirip, betine antıbakterıaldy jabyn jasap shyǵardy. Bul týraly Ǵylym jáne joǵary bilim mınıstrligi habarlady.
«Búgingi tańda medıtsına qyzmetkerleri operatsııa jasaǵanda jarany hırýrgııalyq jiptermen tigedi. Keı jaǵdaıda jipterdiń betine bakterııalar ornyǵyp, ınfektsııa týdyrady. Bul qaıtadan ota jasaýǵa alyp keledi. Qaıta-qaıta opeartsııa jasaý adam ómirine qaýip tóndirýi múmkin», – deıdi «ChemMedLab» ǵalymdary.
«Hırýrgııalyq jipterdiń adam organızmi sekildi qorǵanysh mehanızmi joq. ıAǵnı zııandy mıkroorganızmderge ońtaıly orta bolyp tabylady. Sondyqtan olar tez jabysyp, ónip, óse beredi. Bizdiń ǵylymı toptyń maqsaty – hırýrgııalyq jipterdiń betine antıbakterıaldy jabyn jasap, ony qoldanysqa engizý. Jipterdiń betine mýltıqabatty nanoólshemdegi jabyndar ornatylady. Al sońǵy qabatqa antıbakterıaldy agent engiziledi. Antıbakterıaldy agenttiń qarapaıym antıbıotıkterden aıyrmashylyǵy – bakterııalarǵa jedel qarsy áreket etýinde», – deıdi zerthananyń ǵylymı qyzmetkeri Aıajan Seıdýllaeva.
Qazirgi tańda ýnıversıtet ǵalymdary ǵylymı joba boıynsha patent alyp, álemdik jýrnaldarǵa maqalalar jarııalaǵan. Atalǵan ınnovatsııalyq jobaǵa ota kezinde qoldanylatyn hırýrgııalyq jipterdi shyǵaratyn «RuMa Farm» kompanııasy qyzyǵýshylyq bildirip, ǵalymdarmen birlesip jumys isteýge daıyn ekenin jetkizgen.
«Antıbakterıaldy jipterdiń analogtary álemdik naryqta bar. Degenmen elimizde bul joba alǵash ret júzege asyp otyr. Operatsııa kezinde hırýrgter jipterdi spırtke nemese hlorgeksıdın eritindisine salyp, jarany tigedi. Biraq bul tásildiń kemshiligi bar. ıAǵnı uzaq ýaqyt shydamaı, adam ómirine zııan keltirýi múmkin. Al biz daıyndaǵan jipterdiń jabyndary bolady. Olar kerek kezinde bakterııamen kúresip otyrady. Sondaı-aq antıbakterıaldy agent bir aı boıy bakterııaǵa qarsy kúresedi», – deıdi Aıajan Seıdýllaeva.
Ál-Farabı atyndaǵy Qazaq ulttyq ýnıversıtetiniń ǵalymdary bul jumystarmen toqtap qalmaq emes. Bolashaqta ǵalymdar atalǵan joba boıynsha tereń zertteý jumystaryn júrgizip, naryqqa shyǵýdy kózdep otyr.
