Qazaqstan ǵalamdyq beıbitshilik ındeksinde 72 orynǵa kóterildi
ASTANA.QazAqparat - Ekonomıka jáne álem ınstıtýty 2017 jylǵy ǵalamdyq beıbitshilik ındeksin (Global Peace Index) jarııalady. Qazaqstan reıtıngte 3 saty joǵarylap, 72 orynnan kórindi, dep habarlaıdy QazAqparat.
Esepke sáıkes Islandııa, Jańa Zelandııa, Portýgalııa, Avstrııa, Danııa, Chehııa, Slovenııa, Kanada, Shveıtsarııa, Irlandııa jáne Japonııa álemdegi eń beıbit TOP10 el qataryna kirdi. Al soǵys órti laýlap jatqan Sırııa eli besinshi jyl qatarynan reıtıngtiń eń sońǵy ornynda.
Qazaqstan álemdik reıtıngte 163 eldiń ishinen 72 orynǵa turaqtap, qatarynan ekinshi jyl Ortalyq Azııadaǵy eń beıbit el bolyp tabyldy. Kórshi Ózbekstan eli 101 oryndy qanaǵat tutsa, Qyrǵyzstan 111 oryn, Tájikstan 118 oryn, Túrikmenstan 119 orynnan kórindi.
Jańartylǵan reıtıngte Amerıka Qurama Shtattary 2016 jylǵy 103 orynnan 11 saty quldyrap, 114 orynǵa jaıǵasty. Reseı Federatsııasy men Qytaı Halyq Respýblıkasy jeke-jeke 151 jáne 116 orynnan kórindi.
Aıta keteıik, bul ekonomıka jáne álem ınstıtýtynyń onynshy ret ǵalamdyq beıbitshilik ındeksin jarııalaýy. Beıbitshilik ındeksi eldegi qaqtyǵys, ishki soǵys, qylmys, adam quqyǵy jáne ekonomıkalyq turaqtylyq sııaqty 23 ólshem boıynsha esepteledi.
