Qazaqstan Gaaga tártip kodeksin Ońtústik Shyǵys Azııada ilgeriletýde
ASTANA. QazAqparat - 9 qarashada Taılandtyń astanasy Bangkok qalasynda Ballıstıkalyq zymyrandardyń taralýyna qarsy Gaaga tártip kodeksin qoldaý maqsatynda semınar ótti.
Іs-sharaǵa Taılandtyń memlekettik organdarynyń, dıplomatııalyq korpýs, akademııalyq toptar jáne halyqaralyq úkimettik emes uıymdardyń ókilderi qatysty, dep habarlaıdy QR SІM baspasóz qyzmeti. Qazaqstan 2016-2017 jj. Gaaga tártip kodeksiniń tóraǵasy retinde qatysty. Semınardyń basty maqsaty Azııa qoǵamdastyǵynyń Gaaga tártip kodeksine ony odan ári ámbebaptandyrý maqsatynda nazaryn aýdarý boldy.
Qazaqstannyń Taılandtaǵy Elshisi - BUU Azııa men Tynyq muhıtqa arnalǵan ekonomıkalyq jáne áleýmettik komıssııasy janyndaǵy Turaqty ókili Marat Esenbaev sóz sóıledi. Qazaqstandyq delegatsııa basshysy jalpy qyryp-joıý qarýyn taratpaýdyń halyqaralyq tetiginiń mańyzdy jáne ajyramas bóligi retinde Gaaga tártip kodeksin atap ótti. Semınarǵa qatysýshylar Qazaqstannyń Gaaga tártip kodeksiniń tóraǵasy laýazymyndaǵy basymdyqtarymen, sondaı-aq múshelik quramyn keńeıtý jáne rejimdi ámbebaptandyrý boıynsha qoldanyp jatqan sharalarymen tanysty. Ontústik Shyǵys Azııa boıynsha semınarlar toptamasy Mıanma úkimeti men úkimettik emes uıymdar ókilderiniń qatysýymen 11 qarashada ıAngon qalasynda (Mıanma Odaǵy Respýblıkasy) jalǵasady.
