Qazaqstan Gaaga tártip kodeksin qoldaıdy
ASTANA. QazAqparat - Qazaqstan 2016-2017 jyldardaǵy ballıstıkalyq zymyrandardyń taratylýyna qarsy Gaaga tártip kodeksiniń (GTK) tóraǵasy retinde 2016 jyly 10 qazanda ótken GTK qoldaý sharasyna qatysty.
Sharanyń basty maqsaty - halyqaralyq qoǵamdastyqtyń nazaryn Gaaga tártip kodeksine aýdartý boldy, dep habarlady QR SІM baspasóz qyzmetinen.
Óz sózinde BUU janyndaǵy QR turaqty ókili Qaırat Ábdirahmanov Gaaga tártip kodeksi jappaı qyryp-joıý qarýyn taratpaýdyń halyqaralyq mehanızminiń ajyramas jáne mańyzdy bóligi ekenin atap ótti. Sondaı-aq, sharaǵa qatysýshylar Qazaqstannyń Gaaga tártip kodeksiniń tóraǵasy laýazymyndaǵy josparlarymen jáne basymdyqtarymen tanysty.
Uıymdastyrýshylardyń biri retinde kezdesýge Eýropalyq odaqtyń qarýsyzdaný jáne qarýdy taratpaý máseleleri boıynsha arnaıy ókili ıAtsek Bylıcha, Frantsııa strategııalyq zertteýler qorynyń bas hatshysy Aleksandr Hýdaıer, sonymen qatar Tsıntsınattı Ýnıversıtetiniń (AQSh) halyqaralyq qatynastar professory, ǵylym doktory, «Zymyrandardyń taralýyn tejeý» kitabynyń avtory Dınsho Mıstrı qatysty. Olar atalǵan saladaǵy máseleler men qaýip-qaterler jaıly tolyq aıtyp ótti.
Sharaǵa BUU múshe-memleketterdiń ókilderi, akademııalyq orta men halyqaralyq úkimettik emes uıymdar qatysty.
