Qazaqstan fýtzaldan 2030 jylǵy Eýropa chempıonatyn ótkizýge úmitker atandy
ASTANA. KAZINFORM - Qazaqstan fýtbol federatsııasy UEFA basshylyǵyna 2030 jylǵy fýtzaldan Eýropa chempıonatynyń fınaldyq kezeńin ótkizý úshin ótinim joldady.
Resmı aqparat boıynsha bul kezeńde týrnır qojaıyny mártebesine úmitkerlerdiń rekordtyq sany tirkelgen. Onda Qazaqstannan ózge Ispanııa, Horvatııa, Frantsııa, Fınlıandııa, Grýzııa jáne Polsha bar.
Bekitilgen erejege sáıkes úmitkerler ótinimderdiń túpkilikti qujattamasyn 2027 jyldyń 8 maýsymyna deıin tapsyrýy tıis. Ony uıymdastyrýshy el 2027 jyldyń qyrkúıek aıynda UEFA Atqarýshy komıteti otyrysynyń qorytyndysy boıynsha resmı túrde anyqtalady.
Eske salsaq, uıym aıasynda aldaǵy ýaqytıa ózge de iri is-sharalar ótedi. 2027 jyly Astana qalasy UEFA-nyń Kongresi bolsa, elordamyz 19 jasqa deıingi jasóspirimder arasyndaǵy fýtzaldan Eýropa chempıonatynyń fınaldyq kezeńin qabyldaıdy. Odan bólek, 2028 jyly «Astana Arena» stadıonynda UEFA sýperkýbogy matchy ótedi.
Eske salsaq, budan buryn fýtzaldan Qazaqstan quramasy 2028 jylǵy álem chempıonaty negizgi irikteý kezeńinde elordada Belarýsten basym tústi.
