Qazaqstan fýtzal quramasy joldastyq kezdesýde Irandy jeńdi

ASTANA. KAZINFORM - Fýtzaldan Qazaqstan quramasy Iranmen alǵashqy joldastyq kezdesýde jeńiske jetti.

Kezdesý barysynda qazaqstandyq Jahangır Rashıt, Dýglas Jýnıor, Aqjol Dáribaı, Shyńǵys Esenamanov gol soqsa, oǵan ırandyq fýtzalshylar bir golmen jaýap qaıyrdy.

Osylaısha Qazaqstan quramasy qarsylasyn 4:1 esebimen tize búktirdi.

Endi el quramasy atalǵan qarsylasymen 1 qyrkúıekte taǵy bir márte joldastyq kezdesý ótkizedi.

Jıynnyń qorytyndy kezeńi Almatyda 6-10 qyrkúıek aralyǵynda bolady. 7 qyrkúıek kúni Qazaqstan quramasy Argentınamen sheberlik baıqasady.

Aıta ketsek, bıyl álem chempıonaty 14 qyrkúıek pen 6 qazan aralyǵynda Ózbekstanda ótedi.
Qazaqstan quramasy Ispanııa, Lıvııa jáne Jańa Zelandııa quramalarymen kezdesedi.

Eske salsaq, budan buryn qazaqstandyq fýtzalshylar Tájikstan quramasymen eki márte joldastyq kezdesýde 4:3, 3:0 esebimen jeńiske jetti.