Qazaqstan fýtzal quramasy joldastyq kezdesýde Ázerbaıjannan basym tústi
ASTANA. KAZINFORM - Búgin fýtzaldan Qazaqstan ulttyq quramasy Aqtaý qalasynda Ázerbaıjanmen alǵashqy joldastyq kezdesýin ótkizdi.
FIFA kúntizbesine sáıkes otandastarymyz 5-15 sáýir aralyǵynda oqý-jattyǵý jıynyn ótkizedi. Kakaý bastaǵan otandastarymyz oqý-jattyǵý jıyny aıasynda Aqtaý qalasynda Ázerbaıjan quramasymen 13 jáne 15 sáýir kúnderi eki joldastyq match ótkizedi.
Kezdesý barysynda otandastarymyz belsendi oıyn kórsetti. Aldymen qazaqstandyq qaqpashy 14-mınýtta Leo Igıta esep ashsa, odan keıin Ábdirasýl Ábdýmanapuly 14-mınýtta basymdyqty arttyrdy.
Al ázerbaıjandyq Novrýz Kazıhanov 16-mınýtta esep aıyrmasyn qysqartsa, kelesi kezekte Albert Akbalyqov 16, Birjan Orazov 24, 32, Aqjol Dáribaı 30, Agedil Madııarov 31, 37, Arnold Knaýb 33-mınýtta mergendigimen kózge tústi.
Oıynnyń 38-mınýtynda ázerbaıjandyq Rýstamlı Oktaı qorytyndy esepti belgiledi. Osylaısha Qazaqstan quramasy qarsylasynan 9:2 esebimen basym tústi.
Aıta ketsek, el quramasy 2026 jylǵy Eýropa chempıonatynda óz tobynda ekinshi oryndy mise tutty.
Aldymen Albanııany 2:0 esebimen jeńse, odan keıin Armenııamen 4:4 esebimen teń oınady. Úshinshi kezdesýinde Danııadan 2:3 esebimen jeńilip qalsa, óz alańynda atalǵan qarsylasyn 7:3 esebimen tize búktirgen edi. Besinshi oıynda Albanııadan 4:2 esebimen basym tússe, dál sondaı eseppen syrt alańda Armenııaǵa ese jiberdi.
Odan keıin pleı-off satysynda otandastarymyz Italııa quramasyna (2:1, 2:3, penaltıden 0:1) jol berdi.
