Qazaqstan fýtzal qaýymdastyǵynyń bas hatshysy taǵaıyndaldy
ASTANA. KAZINFORM - Qazaqstan fýtzal qaýymdastyǵy bas hatshysy taǵaıyndaldy. Bul qyzmetke Maqsat Álbekuly Tıýmalıev keldi.
M.Tıýmalıevtiń fýtzal men úlken fýtbolda tájirıbesi mol.
Atalǵan qyzmetti buryn atqarǵan Dáýren Nurǵojın fýtzaldan Qazaqstan ulttyq quramasynda bas bapker Paýlo Rıkardo Fıgeıranyń kómekshisi retinde jumysyn jalǵastyrady.
Aıta ketsek, búgin fýtzaldan Qazaqstan ulttyq quramasy 2026 jylǵy Eýropa chempıonatynyń irikteý kezeńindegi besinshi oıynyn Albanııaǵa qarsy ótkizedi.
Bul kezdesýge jaraqatyna baılanysty Leo Igıta men Dýglas Jýnıor shaqyrylǵan joq. Tizimge 16 oıynshy engizilgen.
Qazirge deıin el quramasy irikteý kezeńinde tórt oıyn ótkizdi. Aldymen Albanııany 2:0 esebimen jeńse, odan keıin Armenııamen 4:4 esebimen teń oınady. Úshinshi kezdesýinde Danııadan 2:3 esebimen jeńilip qalsa, óz alańynda atalǵan qarsylasyn 7:3 esebimen tize búktirgen edi.