Qazaqstan fýtzal boıynsha álem chempıonatynda Kosta-Rıkany tize búktirdi
ASTANA. QazAqparat - Kolýmbııada ótip jatqan fýtzaldan 2016 jylǵy álem chempıonatynyń ekinshi matchynda E tobyndaǵy Qazaqstan quramasy Kosta-Rıkany 3:1 esebimen jeńdi, dep habarlady Sports.kz.
Qazaqstan quramasy: Igıta, Leo, Dovgan, Pershın, Dýglas - Gýrov, Knaýb, Nurǵojın, Grebonos, Pengrın, Súleımenov, Esenamanov, Taký, Mýn.
Oıynnyń alǵashqy mınýtynda Dýglas qarsylastarynyń qaqpasyna gol saldy, al 15-shi mınýtta Alehandro Panıagýa esepti teńestirdi. Oıyn aıaǵynda Pavel Taký taǵy bir gol avtory atandy. Oıynnyń ekinshi jartysy bastalǵanda qazaqstandyqtar aıyp dobyn oryndady, Dýglas dopty Leoǵa berdi, al Leo ókshesimen dopty qaqpaǵa dál kirgizdi - 1:3.
19 qyrkúıek kúni Astana ýaqytymen 03:00-de Qazaqstan men Solomon araldarynyń kezdesýi ótedi. «Qazaqstan» telearnasynda tikeleı translıatsııa júredi.
Kosta-Rıka - Qazaqstan 1:3 (1:2)
Goldar: Dýglas 1 (0:1), Panıagýa 15 (1:1), Taký 16 (1:2), Leo 21 (1:3).
