Qazaqstan fýtbolyna reseılik tóreshiler shaqyrylýy múmkin be
ASTANA. QazAqparat - Qazaqstan fýtbol federatsııasynyń Tórelik etý jáne qadaǵalaý departamentiniń dırektory Nıkolaı Levnıkov Qazaqstannyń premer-lıgasy aıasyndaǵy matchtarǵa reseılik tóreshilerdi shaqyrýdyń qısyndylyǵyna qatysty pikir aıtty, dep habarlaıdy QazAqparat.
«Reseılik arbıtrler reseılik jarystarǵa tórelik etsin, al biz ózimizdiń mamandardyń biligin arttyryp, eń jaýapty matchtarda qyzmet etýge jol ashamyz, menińshe, budan esh másele bolmaıdy», - dedi QFF-niń bas tóreshisi.
«Mende Reseı fýtbol odaǵynyń basshylyǵymen Kedendik odaqqa kiretin - Qazaqstan, Reseı, Belarýs elderiniń tóreshilerimen almasý jóninde sóılestim. Maman almasý boıynsha men esh jamandyq kórip turǵanym joq. Biraq bul eger reseılik tóreshiler uıymy Reseı matchtaryna qazaqstandyq tóreshilerdiń qyzmet kórsetýine ruqsatyn berse ǵana oryn alady», - dep túsindirdi Levnıkov.
Onyń aıtýynsha, Qazaqstanda jas ári áleýeti joǵary tóreshiler bar jáne olarǵa aıaqqa myqtap turýǵa múmkindik bergen jón. Tóreshi isin uıymdastyrý sapasyna keletin bolsaq, Levnıkov elimizdiń tóreshiler korpýsynyń deńgeıi óte joǵary deńgeıde ekendigin atap ótti. Degenmen Qazaqstanda fýtbol matchtaryna tórelik etýdiń birqatar olqy tustary da bar. N. Levnıkov olardyń birqataryna toqtaldy.
«Men jıyrmaǵa tarta kezdesýdi qarap shyqtym, onda men neni baıqadym?! Qajet emes toqtatýlar óte kóp eken: keıde arbıtrler oıynnyń jyldamdyǵyn túsirip tastaıdy. Bul óz kezeginde fýtboldyń damýyna tejeý salady. Eger toqtatýlar kóp bolsa, oıynnyń qarqyny báseńdeıdi de, fýtbolshylar kóp demalady, olar sosyn Eýropa Kýbokterinde básekelese almaıdy. Sebebi onda qarqyn joǵary, oıyn jyldamdyǵy joǵary deńgeıde ótedi. Osy baǵytta biz jumys jasaımyz, bolmashy qaqtyǵystardy azyraq tirkep, fýtbolshylarǵa «kúresýge» kóp múmkindik beremiz», - deıdi bas tóreshi.
«Ekinshi másele - shyǵarylatyn sheshimderde birizdilik joq. Dál sondaı folǵa bir tóreshi «sary qaǵaz» kórsetse, ekinshi tóreshi kórsetpeıdi, bul jaǵdaılarda túsinispeýshilikter paıda bolady», - dedi ol.
Bunyń aldynda habarlanǵanyndaı, QFF tóreshilerdi artyq salmaqpen kúresýdi mindetteıtini habarlanǵan bolatyn.
Aıta keteıik, Nıkolaı Levnıkov jaqynda ǵana Qazaqstan fýtbol federatsııasynyń Tórelik etý jáne qadaǵalaý departamentiniń dırektory bolyp taǵaıyndaldy.
Ol buǵan deıin Reseı fýtbol odaǵynyń tóreshiler komıtetiniń tóraǵasy qyzmetin atqardy. Degenmen Levnıkov qazaqstandyqtar úshin alabóten maman emes. 2008-2009 jyldary Nıkolaı Levnıkov Qazaqstan fýtbol fereatsııasynyń Tórelik etý jáne qadaǵalaý departamentiniń dırektory bolyp jumys istedi.
Reseılik maman óz mansabynda FIFA-nyń xalyqaralyq sanattaǵy tóreshisi bolǵan. 1984 jáne 2001 jyldar aralyǵynda reseılik jáne xalyqaralyq matchtarda bas tóreshi bolyp jumys istedi. 1996 jylǵy Eýropa chempıonaty, 1997 jylǵy Konfederatsııa Kýbogi jáne 1998 jylǵy Álem chempıonatynda qyzmet atqardy. 2001 jyldan bastap ÝEFA ınspektory, 2004 jylǵy Eýropa chempıonaty, 2004 jylǵy ÝEFA Kýbogi jáne 2006 jylǵy Álem birinshiliginde eńbek etti. 2001 jyldyń jeltoqsany men 2006 jyldyń tamyzy aralyǵynda Reseı fýtbol odaǵynyń Fýtbol tóreshileri alqasynyń prezıdenti boldy. 2008-2009 jyldary Qazaqstan fýtbol federatsııasynyń Tórelik etý jáne qadaǵalaý departamentiniń basshysy boldy. 2012-2016 jyldary Reseı fýtbol odaǵynyń tóreshiler komıtetiniń basshysy. ÝEFA tóreshiler komıtetiniń múshesi.
