Qazaqstan fýtbolyna qandaı stadıondar qajet

Syıymdylyǵy 1300 adam. Al «Qaısar» - «Aqtóbe» kezdesýine resmı túrde 2 myń kórermen jınalǵanyn eskersek, kópshiliginiń oıyndy tik turyp tamashalaǵanyn boljaý qıyn emes, dep jazylǵan Astana fýtbol federatsııasynyń resmı saıtynda (avtory - Ázız Jumadil).

Jalpy, Qazaqstan fýtbolyna qandaı stadıondar qajet?

Premer-lıganyń alǵashqy aınalymy da aıaqtalyp, mamyrdyń birinshi shıregi de artta qalyp barady. Biraq, jasyl alań máselesi áli de ózektiligin joǵaltqan joq. Óz alańyndaǵy oıyndaryn qosalqy alańdarynda ótkizip júrgen komandalar áli de barshylyq. Al eýrokýbok oıyndary jaqyndap qaldy. Endi bir aıdan keıin «Astana» Chempıondar lıgasynda, al «Qaırat», «Ertis» jáne «Ordabasy» Eýropa lıgasynyń irikteý kezeńine qatysady. 

Elordalyqtar men almatylyqtardyń ahýaly belgili. Olardyń arenalary halyqaralyq iri matchtardy qabyldaı alady. Stadıondary ÝEFA talaptaryna saı. Degenmen, Pavlodar men Shymkent stadıondary she? Olardyń da stadıondarynda irikteý kezeńderiniń oıyndaryn ótkizýge bolady. Ary qaraı toptyq kezeńge ótýge «Ertis» pen «Ordabasynyń» shamalary da jete qoımas.

Elimizde syıymdylyǵy 10 myń adamnan asatyn 11 stadıon bar eken. Onyń jeteýinde Premer-lıga oıyndary ótedi. Qalǵan tórteýinde Birinshi lıga komandalary dop tebýde. ıAǵnı, «Atyraý», «Aqjaıyq», «Tobyl», «Qaısar» jáne «Oqjetpes» qonaqtaryn syıymdylyǵy 10 myń adamǵa jetpeıtin stadıondarda qabyldap júr. Atyraýdaǵy «Munaıshyǵa» - 8 900, Oraldaǵy Petr Aloıan atyndaǵy stadıonǵa  - 8 320, Qyzylordadaǵy Ǵanı Muratbaev atyndaǵy stadıonǵa - 7 000, al Kókshetaýdaǵy «Oqjetpeske» bar bolǵany 4158 kórermen sııady. 

Degenmen, atalmysh stadıondarda jankúıerlerdiń lyq tolyp otyrǵandary shamaly. Onyń ústine, Premer-lıga komandalarynyń jartysyna jýyǵy áli óziniń negizgi alańyna kóshe qoıǵan joq. Al «Ordabasy» men «Qaısardyń» negizgi arenalary Premer-lıga oıyndaryna jaramsyz dep tabylyp, qosalqy alańdarǵa kóshirildi.

Qosalqy alańdarǵa keler bolsaq, Qyzylordada Ǵanı Muratbaev atyndaǵy Ortalyq stadıonnyń qosalqy alańy uzaq kúttirip baryp kúrdeli jóndeýden ótti. Kásipqoı fýtbol lıgasynyń arnaıy komıssııasy alańnyń sapasyn tekserip, maqtap ketipti. Ony ózderiniń resmı saıttarynda jazdy da. Alaıda, arena bar bolǵany 1 300 kórermenge arnalǵan. 

Osy oraıda aıta keteıik, «Qaısar» - «Astana» kezdesýin tamashalaýǵa 5 000 adam jınaldy. Ol oıyndy Stoıcho Mladenov shákirtteri negizgi stadıonda ótkizgen. Biraq, «Ǵanı Muratbaev» pen «Lokomotıv» stadıondarynyń alańdary jaramsyz dep tabylǵannan keıin «Aqtóbeni» qosalqy alańda qabyldaǵan. Bas tóreshiniń hattamasyna súıensek, oıyndy tamashalaýǵa 2000 kórermen kelgen eken. 

Degenmen, jankúıerlerdiń sany eki ese kóp bolýy da múmkin. Óıtkeni, alań jıeginde komandasyna tik turyp jankúıer bolǵandar da jeterlik. Soǵan baılanysty qazir ol jaqta qosymsha trıbýnalar qosýǵa qarjy bólingen eken. Qoldaǵy aqparattarǵa sensek, Ortalyq stadıonnyń alańyn jaqsartýǵa 150 mıllıon teńge qarastyrylypty. Tamyz aıynda tolyq aıaqtalyp, sapasy jóninen Almatynyń Ortalyq alańynan esh kem bolmaıtyn kórinedi.

Túıindeı aıtqanda, Qazaqstan Premer-lıgasynyń oıyndaryn ár qalada turaqty túrde 3-5 myń kórermen tamashalap turady. Eýrokýbok oıyndaryna kelsek, «Astana» men «Qaırat» bolmasa, aldaǵy on jylda basqa klýbtarymyz Chempıondar nemese Eýropa lıgasynyń toptyq kezeńine asyqpaıtyn sııaqty. Al irikteý kezeńderin qazirgi alańdarynda-aq qabyldaı berýge bolady.