Qazaqstan fýtboly: Premer-lıga klýbtary qaı elderde jattyǵady
ASTANA. QazAqparat - Elimizdiń Kásipqoı fýtbol lıgasy Qazaqstan premer-lıgasyndaǵy klýbtarymyzdyń 2017 jylǵy alǵashqy oqý-jattyǵý jıyndaryn qaı jerde ótkizetindikterin jarııalady.
Bıyl Túrkııada lańkestik áreketter tyıylmaı tursa da, klýbtarymyzdyń deni jylda baryp úırenip qalǵan jerlerinde jattyǵýdy jón sanapty. Tek «Astana» ǵana Dýbaıǵa ushqan.
«Astana»
Oqý-jattyǵý jıyny: Birikken Arab Ámirliginde, 15 qańtar - 1 aqpan.
Joldastyq kezdesýler: 28 qańtarda - «Rıga» (Latvııa), 31 qańtarda - «Chonbýk Hende» (Ońtústik Koreıa).
«Qaırat»
Oqý-jattyǵý jıyny: Túrkııada, 5 - 20 qańtar.
Joldastyq kezdesýler: 12 qańtarda - «Kýkesı» (Albanııa), 19 qańtarda - «Orenbýrg» (Reseı).
«Ertis»
Oqý-jattyǵý jıyny: Túrkııada, 9 - 22 qańtar.
Joldastyq kezdesýler - áli jarııalanǵan joq
«Ordabasy»
Oqý-jattyǵý jıyny: Shymkentte, qazir - Túrkııada (5 - 20 qańtar).
Joldastyq kezdesýler - Bir oıyn ótkizdi: «Beershot» (Belgııa) - 0:1
«Oqjetpes»
Oqý-jattyǵý jıyny: Túrkııada, 10 - 24 qańtar.
Joldastyq kezdesýler - Ótkizgen oıyndary: «Kýndýspor» (Túrkııa) - 8:1, «Qaısar» - 0:0, «Tobyl» - 0:0.
«Aqtóbe»
Oqý-jattyǵý jıyny: Túrkııada, 12 qańtardan - 1 aqpanǵa deıin.
Joldastyq kezdesýler: 22 qańtarda - «Anjı» (Reseı).
«Tobyl»
Oqý-jattyǵý jıyny: Túrkııada, 4 - 19 qańtar.
Joldastyq kezdesýler: 11 qańtarda - «Flamýrtarı» (Albanııa), 31 qańtarda - "Dınamo" (Máskeý).
«Atyraý»
Oqý-jattyǵý jıyny: Túrkııada, 10 - 27 qańtar.
Joldastyq kezdesýler: Ótkizgen oıyny, Antalııa klýby - 11:0 (22 jeltoqsan)
«Shahter»
Oqý-jattyǵý jıyny: Túrkııada, 10 - 28 (?) qańtar.
Joldastyq kezdesýler - áli jarııalanǵan joq («Shahter» 8 qańtar kúni aýa raıynyń qolaısyzdyǵyna baılanysty Ystanbulǵa ushyp kete almady. Ushýlary búginge josparlanǵan).
«Aqjaıyq»
Oqý-jattyǵý jıyny: Túrkııada, 8 - 28 qańtar.
Joldastyq kezdesýler: 20 qańtarda - «Meppen» (Germanııa)
«Altaı»
Oqý-jattyǵý jıyny: Túrkııada, 6 - 21 qańtar.
Joldastyq kezdesýler - áli jarııalanǵan joq.
«Qaısar»
Oqý-jattyǵý jıyny: Túrkııada. Qyzylorda klýbynyń bir bóligi 9 qańtarda Astanadan Ystanbulǵa ushyp bardy. Al Shymkent - Almaty - Ystanbul - Antalııa baǵytymen jetýi kerek bolǵan ekinshi bóligi 9 qańtarda dittegen jerlerine jete almady. Olardyń reısteri eki ret keıinge shegerildi.
Derekkóz: Astana fýtbol federatsııasy.
