Qazaqstan fýtbolshysynyń soqqan doby jyldyń úzdik goly atalymyna usynyldy
NUR-SULTAN. QazAqparat – Brıtanııanyń SPORTbible sporttyq basylymy Qazaqstan quramasynyń jartylaı qorǵaýshysy Aıbol Ábikenniń alańnyń ortasynan soqqan golyn nazardan tys qaldyrmady. Bul týraly QazAqparat Vestı.kz saıtyna silteme jasap habarlaıdy.
Gol Ulttar lıgasy matchynda Albanııamen oıyn kezinde salyndy.
«Toqta, sen ne istep jiberdiń? Alańnyń dál ortasynan soǵylǵan gol. Qazaqstandyq Aıbol Ábiken jyldyń úzdik goldarynyń birin kirgizip, qaqpashyny qapy qaldyrdy. Bul múmkin emes», - delingen basylymnyń tvıtterinde.
Eske sala ketsek, Ábikenniń kirgizgen doby quramany jeńilisten qutqarmady: Qazaqstan bul oıynda 1:3 esebimen utyldy.
