Qazaqstan fýtbolshylary joldastyq kezdesýde Vengrııaǵa jol berdi
ASTANA. QazAqparat - Qazaqstan quramasy Býdapeshttegi joldastyq kezdesýde Vengrııaǵa 0:3 esebimen utylyp qaldy, dep habarlady Sports.kz.
Vengrııamen oıyn jankúıerlerge komanda Eýropa chempıonatynyń irikteý kezeńi bastalýyna qanshalyqty daıyn ekenin kórsetýge tıis edi. Sondaı-aq qazaqstandyqtardyń jańa jattyqtyrýshy ıÝrıı Krasnojanǵa senimin de kórseter edi.
Qazaqstan quramasynda da aıta qalarlyqtaı jańalyqtar bolǵan joq, onyń kapıtany bolyp qaraǵandylyq «Shahterdiń» shabýylshysy Andreı Fınonchenko taǵaıyndaldy. Oıynnyń 3-shi mınýtynda qonaqtar buryshtan dop soýǵa múmkindik aldy, Fınonchenko dopty berdi, Sergeı Hıjnıchenko ony tıisti maqsatyna baǵyttaýy qajet edi, biraq ol údege jete almady. Al vengrler qolaıly sátti utymdy paıdalana otyryp, Andreı Sıdelnıkovtiń qaqpasyna gol saldy - 1:0.
Ekinshi qyryq bes mınýttyń basynda Qazaqstan belsendilik tanytqanmen jaǵdaı ózgere qoıǵan joq. Roland Varga aıyppul alańynan soqqan dop qabyrǵadan aýnap kelip, Sıdelnıkovtiń qolyna túskenimen, ol aıyrylyp qaldy da dop qaqpaǵa baryp tústi - 2.0. Ekinshi taımdaǵy oryn almasýlardan keıin qazaqstandyq komanda saq oınady, olar san jaǵynan da azaıyp qalyp edi. Biraq ta saqtyq esepti saqtaýǵa kómektespedi. Konstantınn Engeldiń doby óz qaqpasyna soǵyldy - 3:0.
