Qazaqstan fýtbolshylary joldastyq kezdesýde BAÁ quramasynan jeńildi
Eki komanda buǵan deıin 22 jyl buryn kezdesken edi. Sodan beri quramalar joly túıisken joq. Ol kezeńde qazaqstandyq fýtbolshylar Azııa qurlyǵynda dop tebetin. Bıyl Eýropada synǵa túsip júrgenine jıyrma jyldan asty.
Kezdesý barysynda BAÁ quramasynyń oıynshylary belsendi bastady. Nátıjesinde 13-mınýtta olardyń qatarynda Fabıo Lıma esep ashty. Qazaqstandyq fýtbolshylar tarazy basyn teńestirýge umtyldy. Birinshi kezeńde tablodaǵy esep ózgergen joq.
Ekinshi kezeńde qazaqstandyq fýtbolshylar belsendi qımyl kórsete bastady. Oıynnyń 62-mınýtynda el quramasynan Abat Aıymbetov kózdegen nysanadan múlt ketken joq.
Al Fabıo Lıma 71-mınýtta qaıtadan BAÁ quramasyn alǵa shyǵardy.
Osylaısha qazaqstandyq fýtbolshylar qarsylasyna 1:2 esebimen jeńilip qaldy.
Endi Qazaqstan quramasy aldaǵy oıynyn 2024 jylǵy Eýropa chempıonatyna irikteý satysynda 2023 jyldyń 23 naýryzynda Slovenııa quramasyna qarsy ótkizedi.
Eske salsaq, budan buryn Qazaqstan quramasy syrt alańda Ózbekstanmen joldastyq kezdesýde 0:2 esebimen jol berdi.
