Qazaqstan fýtbolshylary UEFA-nyń birden eki reıtınginde kósh bastady
NUR-SULTAN. QazAqparat –Fýtboldan Qazaqstan ulttyq quramasy Ulttar lıgasynda ótkizgen eki matchtan keıin UEFA-nyń birden eki reıtınginde kósh bastady, dep habarlaıdy QazAqparat Sports.kz-ke silteme jasap.
Buǵan deıin jazǵanymyzdaı, birinshi týrda qazaqstandyqtar óz alańynda Ázerbaıjan quramasyn 2:0 esebimen utty. Match astanadaǵy «Astana Arena» stadıonynda ótti. Keıin Magomed Adıevtiń komandasy syrtta Slovakııany 1:0 esebimen jeńdi.
«Eki oıyn qatarynan gol soqtyrmaǵan Qazaqstan quramasy taǵy tórt komandamen qatar, «qurǵaq» matchtar reıtınginde kósh bastady. Sondaı-aq seıvter sany (10) boıynsha aldyńǵy orynǵa shyqty. Soqqylardyń osyndaı kórsetkishine Gıbraltar jáne Horvatııa komandalary ıe.
Eske salaıyq, UEFA Ulttar lıgasynyń toptyq kezeńi oıyndaryna qatysyp jatqan Qazaqstan fýtbolshylary:
Qaqpashylar: Igor Shatskıı, Muhammedjan Seısen, Bekhan Shaızada. Qorǵaýshylar: Sergeı Malyı, Aleksandr Marochkın, Baǵdat Qaıyrov, Temirlan Erlanov, Nuraly Álip, Eldos Ahmetov, Mıhaıl Gabyshev, Ǵafýrjan Súıimbaev, Talǵat Kósepov.
Jartylaı qorǵaýshylar: Ashat Taǵybergen, Vladıslav Vasılev, Samat Jarynbetov, Aslan Darabaev, Islambek Qýat, Tımýr Dosmaǵambetov, ıAn Vorogovskıı, Elhan Astanov, Baýyrjan Baıtana, Ramazan Orazov, Maksım Samorodov, Arman Keńesov. Shabýylshylar: Artýr Shýshenachev, Abat Aıymbetov, Abylaıhan Jumabek.
