Qazaqstan fýtbol lıgasynyń prezıdenti Rafael Garıbıan qyzmetinen ketti

ASTANA. KAZINFORM - Qazaqstan fýtbol lıgasynyń prezıdenti Rafael Garıbıan  qyzmetinen ketti. Mundaı sheshim qabyldaýyna onyń basqa qyzmetke aýysýy sebep boldy.

Rafael Garıbıan Qazaqstan fýtbol lıgasy prezıdenti laýazymyna 2023 jyldyń 2 mamyrynda taǵaıyndaldy. Onyń basshylyǵymen birqatar joba júzege asty.

Atap aıtqanda, olardyń qatarynda Lıga rebrendıngi, jańa reglamentterdiń qabyldanýy, marketıngtik strategııa, jańa demeýshilerdiń kelýi jáne basqa da jobalar bar. Bul jobalar elimizdegi klýbtyq fýtboldyń damýyna erekshe úles qosty.

Bul qyzmetti qazaqstandyq belgili maman Ǵanı Qaınazarov atqaratyn boldy.

Eske salsaq, budan buryn «Ordabasy» FK prezıdenti densaýlyǵyna baılanysty qyzmetinen ketti.