Qazaqstan fýtbol quramasynyń jańa kıim úlgisinde sportshylardyń aty-jóni qatesiz jazylady
ASTANA. 9 qyrkúıek. QazAqparat - Álem chempıonaty - 2014-tiń irikteý týrnırleriniń matchtaryn Qazaqstannyń fýtboldan quramasy jańa kıim úlgisimen ótkizedi.
Sary-kók tústes formany sportshylar Astanada kópshilikke tanystyryp úlgerdi, dep jazady «Vremıa» gazeti.
«Bul formalar dene poshymyna saı keltirilip tigilgen ári yńǵaıly, sondaı-aq qazirgi zamanǵy úlgide. Budan bólek, onyń ulttyq tústegi boıaýy da unaıdy»,-deıdi Qazaqstan ulttyq quramasynyń kapıtany Qaırat Nurdáýletov.
Atalǵan jańa kıim úlgisin quramanyń tórt fýtbolshysy tanystyrdy. Qaırat Nurdáýletovpen birge onda Sergeı Grıdın, Mıhaıl Rojov jáne Tańat Nóserbaev ta boldy. Gazettiń jazýynsha, formalarda sportshylar men memlekettik ataýy - KAZAKHSTAN qatesiz basylǵan. QFF-tiń qoǵammen baılanys jónindegi departamentiniń dırektory Izmaıl Bzarovtyń aıtýynsha, qurama sapyndaǵy basqa da fýtbolshylardyń jańa kıimderinde orfografııalyq qateler bolmaıdy.
