Qazaqstan fýtbol quramasynyń bas bapkeri kim bolady?
ASTANA. QazAqparat - Birer kúnderden keıin Qazaqstan fýtbol quramasyna jańa bas bapker keledi.
Búgin Qazaqstannyń fýtbol federatsııasy tilshilerdi Astanada 7 aqpan kúni jańa bas bapkerdi tanystyrý sharasyna shaqyrdy.
"2014 jyly 7 aqpanda 13:30-da Astanadaǵy «Rixos President Astana» qonaqúıiniń «D-Hall» zalynda Qazaqstan quramasynyń jańa bas bapkerin tanystyrýǵa arnalǵan baspasóz qyzmeti ótedi", - delingen federatsııanyń taratqan málimetinde.
Biraq onyń esimi áli belgisiz. Eske sala keteıik, 2013 jyldyń 31 jeltoqsanynda Mıroslav Beranek qyzmetinen ketken bolatyn.
BAQ betterinde onyń ornyn «Rýbın» klýbynyń burynǵy bapkeri Qurban Berdyev nemese reseılik ıÝrıı Krasnojan basýy múmkin degen habarlamalar taratyldy.
