Qazaqstan fýtbol quramasy joldastyq kezdesýde 3:1 esebimen Oman oıynshylarynan basym tústi

Oıyn barysynda Qazaqstan quramasynyń kapıtany Andreı Karpovıch esep ashty. Keıin bul esepti quramaǵa eki jyl salyp qaıta oralǵan Nurbol Jumasqalıev eseledi. Al kezdesýdiń 62-shi mınýtynda N. Jumasqalıevtiń áýelete tepken dobyn toqtatpaq bolǵan Oman quramasynyń qorǵaýshylary teńbil dopty óz qaqpalaryna engizip aldy.

Degenmen alań ıeleri oıyndaǵy esepti ustap tura almady. Araǵa 3 mınýt salyp, Aravııa túbeginen kelgen aıaqdopshy Al-Hosnı qaqpany dál kózdedi.

Eki komanda oıynshylarynyń esepti eseleýge múmkindikteri boldy. Biraq paıdalana almady.

Bul Qazaqstan quramasynyń bıylǵy jylǵy alǵashqy jeńisi. Eýropa chempıonatyna irikteý týry barysynda bizdiń fýtbolshylardyń joly Germanııa, Túrkııa jáne Avstrııa aıaqdopshylarymen túıisedi.