Qazaqstan fýtbol quramasy BAÁ komandasymen joldastyq kezdesý ótkizedi
NUR-SULTAN. QazAqparat – Fýtboldan Qazaqstan ulttyq quramasy Birikken Arab Ámirlikteri komandasymen joldastyq kezdesý ótkizedi, dep habarlaıdy QazAqparat tilshisi.
Qazaqstan fýtbol federatsııasynan málim etkenindeı, oıyn 19 qarasha kúni Ábý-Dabı qalasynda ótedi.
Naqty ýaqyty men match bolatyn stadıon keıinirek habarlanady.
Birikken Arab Ámirlikteri FIFA reıtıngisinde 69-orynda ornalasqan. Bul komandanyń Qatarda ótetin álem chempıonatyna joldama alýyna múmkindigi bolǵan edi. Alaıda sońǵy sheshýshi básekede Aýstralııaǵa 1:2 esebimen jol berdi.
Komandanyń eń joǵary jetistigi – 1990 jylǵy álem chempıonatyna qatysqany jáne 1997 jyly Azııa kýbogynyń kúmis júldesi.
Buǵan deıin Qazaqstan jáne BAÁ ózara úsh ret kezdesken.
19.09.1997. ÁCh-98 irikteý kezeńi. Ábý-Dabı:
BAÁ – Qazaqstan – 4:0
18.10.1997. ÁCh-98 irikteý kezeńi. Almaty:
Qazaqstan – BAÁ – 3:0
10.12.2000. Joldastyq match. Ábý-Dabı:
BAÁ – Qazaqstan – 5:2.
Eske sala keteıik, budan buryn fýtboldan Ulttar lıgasynda Qazaqstan quramasynyń keńeıtilgen tizimi jarııalanǵanyn jazǵan bolatynbyz.
