Qazaqstan fýtbol quramasynyń Danııamen kezdesýin qaıdan kórýge bolady

2024 jylǵy Eýropa chempıonaty irikteý satysyndaǵy Qazaqstan quramasynyń Danııaǵa qarsy kezdesýiniń qaı telearnadan kórsetiletini belgili boldy, dep habarlaıdy Kazinform.

Bul oıyn 14 qazannan 15-ne qaraǵan túni elorda ýaqytymen 00:35-de bastalady.

Kezdesý «Qazaqstan» jáne «Qazsport» telearnalarynan tikeleı efırde kórsetiledi.

Qazirge deıin el quramasy alty oıyn ótkizdi.

Іrikteý satysynda Slovenııadan – 1:2, Fınlıandııadan – 0:1 esebimen jeńilse, Danııany – 3:2, San-Marınony – 3:0, Soltústik Irlandııany – 1:0 esebimen qapy qaldyrdy.

Qazaqstan quramasyna 2022 jyldyń 27 sáýirinen bastap reseılik bapker Magomed Adıev jetekshilik etip keledi.

Onyń jetekshiligimen fýtbolshylar 14 oıyn ótkizdi.

Qazirge deıin ulttyq qurama 8 márte jeńiske jetip, bireýinde teń nátıje tirkeldi, beseýinde qarsylasyna ese jiberdi.

Bul oıynnan keıin qazaqstandyq fýtbolshylar 17 qazanda syrt alańda Fınlıandııamen kezdesedi.