Qazaqstan fýtbol quramasynyń burynǵy qaqpashysy Andreı Morev ómirden ótti

ASTANA. KAZINFORM — Fýtboldan Qazaqstan ulttyq quramasynyń burynǵy qaqpashysy Andreı Morev 52 jasynda dúnıeden ozdy.

Qazaqstan fýtbol federatsııasynyń baspasóz qyzmetinen málim etkenindeı, Andreı Morev «Jeńis», «Oqjetpes», «Tobyl» jáne «Aqtóbe» syndy komandalar sapynda óner kórsetken. 
«Aqtóbe» quramynda eki márte Qazaqstan chempıony atanyp, el kýbogynyń ıegeri boldy. 2005 jyly elimizdegi eń úzdik qaqpashy atandy.

— Andreı Morev Qazaqstan ulttyq quramasynyń qatarynda eki match ótkizdi. Debıýttik oıynynda qarsylas bolǵan Túrkııa quramasynyń penaltıin sátti qaıtaryp, jankúıerlerdiń qoshemetine bólengen edi. Qazaqstan fýtbol federatsııasy Andreı Morevtiń týǵan-týystary men jaqyndaryna qaıǵyra kóńil aıtady, — delingen resmı aqparatta.

Eske sala keteıik, budan buryn «Qaırattyń» ekinshi jyl qatarynan Qazaqstan chempıony bolǵanyn jazǵan edik.