Qazaqstan fýtbol kýbogynda «Astana» «Qaısardan» basym tústi
NUR-SULTAN. QazAqparat - Búgin fýtboldan Qazaqstan kýbogy besinshi týry máresine jetti, dep habarlaıdy QazAqparat tilshisi.
Elordalyq «Astana» kýbokta ala-qula oıynymen kózge tústi.
Negizinen jastar jasyl alańǵa shyqty. Nátıjesinde keıbir qarsylastaryna ese jiberip qoıdy.
Degenmen búgingi óz alańyndaǵy «Qaısarmen» kezdesýinde negizgi fýtbolshylardy oıynǵa qosty.
Oıyn taǵdyryn 2-mınýtta «Astananyń» jartylaı qorǵaýshysy Tıgran Barsegıan soqqan jalǵyz gol sheshti.
Osylaısha elordalyq klýb qarsylasynan 1:0 esebimen basym tústi.
Dál osy eseppen Aqtaýdyń «Kaspııi» syrt alańda túrkistandyq «Turannan» basym tústi.
Kezdesýde aqtaýlyq Talǵat Kýsıapov mergendik tanytty.
Atalǵan týrda budan buryn Kezdesýde «Qaırat» qarsylasynan 3:0, Qostanaıdyń «Tobyly» óz alańynda «Tarazdan» 2:1 esebimen basym tústi.
Al 7 tamyzda «Qyzyljar» SDıÝSShOR №8 komandasyn 3:2, «Aqjaıyq» «Aqtóbeni» 2:1 esebimen jeńse, «Maqtaral» men «Atyraý» 1:1 esebimen teń tústi.
Altynshy týr oıyndary 14 tamyz kúni ótkiziledi.
