Qazaqstan fýtbol federatsııasynan jymqyrylǵan 2 mlrd teńge qaıtaryldy

ASTANA. KAZINFORM – Qarjylyq monıtorıng agenttigi tóraǵasynyń orynbasary Jeńis Elemesov Qazaqstan fýtbol federatsııasynan jymqyrylǵan 2 mlrd teńge ornyna keltirilgenin málim etti. 

— Bul qylmystyq is áli óndiriste. Ózge aqparatty sizderge aıta almaımyn. Jalǵyz aıta alatynym — atalǵan qylmystyq is aıasynda qazirdiń ózinde federatsııaǵa shamamen 2 mlrd teńge qaıtaryldy. Basqa málimetti asha almaımyn, — dedi Jeńis Elemesov.

Jýrnalıster bul istegi Qazaqstan fýtbol federatsııasynyń burynǵy prezıdenti Ádilet Bármenqulovtyń statýsy qandaı ekenin suraǵan agenttik ókili onyń tergeýge ilinbegenin aıtyp, qysqa qaıyrdy.

Eske salsaq, byltyr jyl aıaǵynda Qazaqstan fýtbol federatsııasynyń jańa prezıdenti taǵaıyndalǵan edi.