Qazaqstan fýtbol federatsııasy ulttyq qurama bapkeriniń jalaqysyna qatysty málimdeme jasady

ASTANA. KAZINFORM - Qazaqstan fýtbol federatsııasy Stanıslav Cherchesovtyń Qazaqstan quramasynyń bas bapkeri retinde alatyn jalaqysy týraly áleýmettik jelide taraǵan aqparatqa qatysty resmı málimdeme jasady.

Keıbir aqparat kózderi reseılik mamannyń boljamdy jalaqysyn jylyna 1,2 mıllıon eýro dep ataǵan.

– Keıbir buqaralyq aqparat quraldarynda jarııalanǵan fýtboldan Qazaqstan ulttyq quramasynyń jańa bas bapkeri Stanıslav Cherchesovtiń jalaqysy týraly aqparat asyra kórsetilgen jáne shynaıylyqqa sáıkes kelmeıdi.

Kelisimsharttyń qupııalyǵyn saqtaı otyra, bapkerdiń jalaqysy jarııa etilmeıtinin habarlaımyz. Kelisimshart bıýdjet tarapynan qarjylandyrylmaıdy, - dep jazdy federatsııadan.

Sporttyq uıym Magomed Adıevpen kelisimshart eki jaqtyń kelisimimen toqtatylǵanyn da atap ótken.

Esterińizge sala keteıik, 60 jastaǵy reseılik maman Stanıslav Cherchesov fýtboldan Qazaqstan ulttyq quramasynyń bas bapkeri qyzmetine taǵaıyndaldy.