Qazaqstan fýtbol federatsııasy FIFA Series týrnıri jaıly aqparat jarııalady
ASTANA. KAZINFORM – Halyqaralyq fýtbol federatsııasy (FIFA) ulttyq quramalarǵa arnalǵan jańa formattaǵy FIFA Series týrnırin iske qosty. Bul jóninde Qazaqstan fýtbol federatsııasy málim etti.
Joba – álemniń ártúrli qurlyqtaryndaǵy quramalardy bir alańǵa jınap, ózara tájirıbe almasýǵa múmkindik beretin halyqaralyq jarys. Týrnırdiń basty ereksheligi – komandalardyń basqa konfederatsııa ókilderimen oınaýyna jaǵdaı jasaý.
FIFA Series alǵash ret 2024 jyly pılottyq formatta uıymdastyryldy. Sol tájirıbeden keıin joba tolyqqandy halyqaralyq týrnır retinde damytylyp, 2026 jyldan bastap keńeıtilgen formatta ótedi. Basty jańalyq – endi bul týrnırge erler quramalarymen qatar áıelder ulttyq komandalary da qatysady.
Týrnırdiń negizgi maqsaty – ulttyq quramalardyń oıyn tájirıbesin arttyryp, ártúrli fýtbol mektepteriniń bir-birimen básekege túsýine múmkindik berý. FIFA Series aıasynda ár topqa túrli qurlyqtan tórt komandadan bólinedi. Árbir qurama eki match ótkizedi. Bul halyqaralyq kúntizbege artyq júkteme túsirmeı, sonymen birge sapaly oıyn tájirıbesin qamtamasyz etýge baǵyttalǵan.
Bıylǵy týrnır matchtary birneshe elde ótedi. Olardyń qatarynda Qazaqstan da bar. Sonymen birge Aýstralııa, Ázerbaıjan, Indonezııa, Mavrıkıı, Pýerto-Rıko, Rýanda jáne Ózbekstan qabyldaýshy elder retinde tańdaldy. Áıelder quramalarynyń matchtary Brazılııa, Kot-d’Ivýar jáne Taılandta ótedi.
FIFA Series aıasynda Qazaqstan ulttyq quramasy ózge qurlyqtaǵy komandalarmen oınap, jańa tájirıbe jınaıdy. Mundaı matchtar halyqaralyq deńgeıde básekege qabilettilikti arttyrýǵa jáne ulttyq quramanyń oıyn tájirıbesin keńeıtýge múmkindik beredi.
Aıta ketsek, budan buryn Qazaqstan ulttyq quramasynyń bas bapkeri Talǵat Baısýfınov naýryz aıynda ótetin FIFA Series 2026 týrnırine shaqyrylǵan oıynshylardyń keńeıtilgen tizimin jarııalady.
FIFA Series týrnıri 25-28 naýryz kúnderi Astana qalasyndaǵy «Astana Arena» stadıonynda ótedi. Jarys «tórttik fınal» formatynda uıymdastyrylady. Alǵashqy matchta Qazaqstan quramasy Komor araldaryna qarsy oınaıdy. Ekinshi oıynda Kýveıt nemese Namıbııa quramalarynyń birimen kezdesedi.
Qazaqstan quramasynyń tizimi
Qaqpashylar: Temirlan Anarbekov («Qaırat»), Muhammedjan Seısen («Astana»), Aleksandr Zarýtskıı («Aqtóbe»), Bekhan Shaızada («Ordabasy»).
Qorǵaýshylar: Sergeı Malyı, Sultanbek Astanov (ekeýi de – «Ordabasy»), Aleksandr Mrynskıı, Aleksandr Shırobokov, Erkin Tapalov (bári – «Qaırat»), Nuraly Álip («Zenıt», Reseı), ıAn Vorogovskıı, Álibek Qasym (ekeýi de – «Astana»), Ádilbek Jumahanov, Arsen Áshirbek (ekeýi de – «Elimaı»), Naýryzbek Jagorov, Meırambek Qalmyrza (ekeýi de – «Tobyl»), Ádilet Keńesbek, Saǵı Sovet (ekeýi de – «Qaısar»), Dinmuhammed Qashken («Jetisý»), Sanjar Satanov («Atyraý»), Saǵadat Tursynbaı («Jeńis»), Baǵdat Qaıyrov («Aqtóbe»), Amandyq Nábıhanov («Kaspıı»).
Jartylaı qorǵaýshylar: Ramazan Orazov, Jan-Álı Paırýz, Almas Tólibaı (bári – «Elimaı»), Ádilet Sadybekov, Damır Qasabýlat (ekeýi de – «Qaırat»), Aıbol Ábiken, Ersultan Qaldybekov (ekeýi de – «Qaısar»), Zıkrıllo Sultanııazov («Ordabasy»), Damır Marat, Aleksandr Zýev (ekeýi de – «Tobyl»), Islambek Qýat («Jeńis»), Dinmuhamed Karaman («Astana»), Georgıı Jýkov («Aqtóbe»).
Shabýylshylar: Dastan Sátpaev, Ramazan Baǵdat (ekeýi de – «Qaırat»), Ǵalymjan Kenjebek, Maksım Samorodov (ekeýi de – «Ahmat», Reseı), Islam Chesnokov («Harts», Shotlandııa), Jaslan Jumashev, Dáýren Jumat (ekeýi de – «Tobyl»), Elhan Astanov («Ordabasy»), Ramazan Kárimov («Astana»), Ivan Svırıdov, Aıbar Jaqsylyqov (ekeýi de – «Elimaı»), Oralhan Ómirtaev («Oqjetpes»), Artýr Shýshenachev («Aqtóbe»), Nurdáýlet Aǵzambaev («Qaısar»).
Oqý-jattyǵý jıyny Qazaqstan Premer-lıgasynyń úshinshi týrynan keıin Astanada bastalady. Otandastarymyz FIFA Series halyqaralyq joldastyq týrnırinde Qazaqstan quramasy eki match ótkizedi. Aldymen 25 naýryz kúni 15:00-de «Astana Arenada» Komor araldaryna qarsy oınaıdy.
Alǵashqy oıynnyń nátıjesine baılanysty 28 naýryz kúni Kýveıt/Namıbııa quramalyrynyń jeńimpazymen sheberlik baıqasady.