Qazaqstan fýtbol federatsııasynyń prezıdenti jumystan ketpek
ASTANA. QazAqparat - Búgin Astanada Qazaqstan fýtbol federatsııasynyń Atqarýshy komıtetiniń músheleri bas qosty, dep habarlaıdy QazAqparat Federatsııanyń baspasóz qyzmetine silteme jasap.
QFF Atqarýshy komıtetiniń otyrysynda bir qatar aýys-túıister oryn aldy.
-Uıymnyń Birinshi Vıtse-prezıdenti jáne Bas hatshysy Áýbákirov Qanysh Qaıdarulynyń ókilettigi otbasylyq jaǵdaıyna baılanysty jazǵan málimdemesi boıynsha toqtatyldy.
- Birinshi vıtse-prezıdent jáne Bas hatshy qyzmetine Aıtqojın Azamat Serikuly taǵaıyndaldy. Ol vıtse-prezıdent qyzmetinen bosatyldy.
- Vıtse-prezıdent qyzmetine Abraev Oljas Shákenuly taǵaıyndaldy.
Sonymen qatar, Atqarýshy komıtetiniń otyrysynda QFF prezıdenti Baıshaqov Seıilda Ikramulynyń óz erkimen qyzmetinen ketý jónindegi málimdemesi qabyldandy. Bul másele 2018 jyldyń 10 aqpanynda Astanada ótetin kezekten tys saılaý konferentsııasynda talqylanady.
