Qazaqstan fýtbol federatsııasy ulttyq qurama bapkerin ózi tańdaıdy
ASTANA. QazAqparat - Qazaqstan fýtbol federatsııasy ulttyq qurama bapkerin ózi tańdaıdy, dep jazady Alaman portaly.
15 qańtar QFF jarııalaǵan bapker tańdaý naýqanynyń birinshi kezeńi aıaqtaldy.
Shart boıynsha 15 qańtarǵa deıin halyq daýys berý arqyly «ulttyq quramany jergilikti álde sheteldik bapker jattyqtyrý kerek pe?» degen saýalnamaǵa óz tańdaýlaryn jasaýy tıis edi. Qorytyndysy boıynsha 15 qańtarǵa deıin 50 myń jankúıer daýys berse QFF fanattarǵa naqty kandıdattardyń tizimin usynýǵa kelisken. Biraq 15 qańtarǵa deıin daýys berýshilerdiń sany úsh myńǵa jetken joq.
Endi QFF bapker taǵaıyndaýdy tolyq ózine alyp, qańtardyń sońyna deıin ulttyq qurama jattyqtyrýshysyn taǵaıyndaıdy.
